Тбилиси мора да се помири со фактот дека Абхазија никогаш повторно нема да биде дел од Грузија, изјави министерот за надворешни работи на Абхазија, Даур Кове, за ТАСС.
Грузиската претседателка Саломе Зурабишвили претходно напиша на Фејсбук пост во врска со Денот на независноста што го одбележаа денес Абхазија и Јужна Осетија, велејќи дека очекува да го обезбеди нивното враќање во нејзината земја и дека се надева оти ќе го стори тоа за време на нејзиното претседателство.
„Ова се пропагандни клишеа на кои грузиските политичари се навикнати. Крајно време е да се прифати реалноста. Абхазија нема повторно да биде дел од Грузија. Грузија треба да ја прифати реалноста и да гради нормални полноправни меѓудржавни, добрососедски односи со нас,“ нагласи Кове.
Кове истакна дека ова е единствената можна опција за односите меѓу Абхазија и Грузија и дека за неа нема алтернатива.
„Само меѓудржавни односи и меѓудржавен дијалог“, рече тој.
На 26 август 2008 година, Русија ја призна независноста на Абхазија и Јужна Осетија по неуспешниот обид на грузискиот претседател Михаил Саакашвили да ја врати контролата со сила.
