Постојаната мисија на Русија во Советот на Европа го поздрави ослободувањето на новинарот Кирил Вишински во Украина и ги повика властите на земјата да го ослободат од сите обвиненија, пренесува ТАСС.
„Ја поздравуваме одлуката на судот во Киев да го ослободи главниот и одговорен уредник на „РИА новости Украина“, Кирил Вишински. Во исто време, мора да запомниме дека оспорените политизирани обвинувања против Кирил Вишински остануваат на сила. Ги повикуваме украинските власти да ги укинат сите неосновани обвиненија против овој украински новинар“, стои во кусата порака објавена на официјалната страница на Фејсбук на Постојаната мисија на Руската Федерација во Советот на Европа.
На 15 мај 2018 година, украинската служба за безбедност (СБУ) спроведе голема операција против вработените во „РИА новости Украина“, обвинувајќи ги за предавство. Главниот уредник на весникот, Кирил Вишински, беше уапсен.
СБУ објави изјава во која тврдеше дека е откриена мрежа на медиумски структури што Москва ги користела за спроведување хибридна војна против Киев. Обвиненијата против Вишински се засноваат на голем број статии што тој ги посветил на настаните од 2014 година на Крим.
Ако биде прогласен за виновен, Вишински може да се соочи до 15 години затвор.
