Продолжение со втората групна фаза на Светското кошаркарско првенство во Кина ќе биде без селекцијата на домаќинот. Во меѓусебната пресметка за место во втората фаза Венецуела ја совлада Кина 72-59 и ги разочара домаќините, бидејќи ги испратија во разигрувањето за пласман од 17. до 32. место.
Кинезите имаа водство само во првите две-три минути (0-3, 1-3), по што целосна контрола над играта и резултатот ја имаше Венуцуела која најголемата предност ја направи пред крајот на третата четвртина 51-36 и го најави победникот.
