Припадници на Министерството за внатрешни работи на полицијата во Нови Пазар, одделение за криминалистичка полиција, денес го уапсиле лицето П.Д. под сомнение дека на момче и девојче од 3 и 6 години им дал опојна дрога екстази, објави денес порталот indeksonline.rs.
Како што е соопштено од овој портал, децата на кои П.Д. им дал екстази биле на неговиот брат.
По употребата на дрогата, двете мали деца не се чувствувале добро и итно биле примени во Здравствениот центар Нови Пазар.
Според сè уште непотврдени информации, малите деца се во стабилна здравствена состојба, објави порталот.
На осомничениот П.Д. му е одредена мерка задржување до 48 часа, по што со кривична пријава ќе биде приведен од повисокото јавно обвинителство во Нови Пазар.
