Иновациите во ТВ технологијата и во програмската технологија се движечка сила на позитивни лични и културни промени кај Европските корисници, согласно новото истражување објавено од Samsung на IFA. Истражувањето, нарачано пред самата 50 годишнина на компанијата, ја покажува еволуцијата на телевизијата, како во однос на врвни технолошки напредувања како 8K, така и во високо квалитетните и разновидните содржини кои се достапни денес, има опипливо влијание на многу аспекти од животите на корисниците.
57% од Европејците кои биле анкетирани рекле дека имаат гледано ТВ програми кои активно го промениле нивното мислење за општествените прашања, вклучувајќи ги темите како климатска промена, сиромаштија, економска еднаквост и дискриминација. Како пример е Blue Planet на BBC која мотивирала 83% од анкетираните да преземат некоја акција, како што е намалување на нивното користење на пластика за една употреба.
Интересот во содржини со тематски прашања е значително висок, со тоа што две третини од Европејците изразиле апетит кон ТВ програмите поврзани со сегашните интереси. Информативната програма, генерално, сѐ повеќе раѓа интерес кај гледачите, со тоа што 56% од нив ги цитираат документарците како најважен содржински жанр. Дополнително, во време кога фразата “лажни вести” влезе во општествениот дискурс, вредноста на телевизиските вести е клучна со тоа што три четвртини (74%) од Европејците веруваат дека телевизијата е еден од најверодостојните извори на вести.
Самата публика еволуира заедно со тоа што го гледа на екранот. Истражувањето покажува дека 73% од Европејците тврдат дека телевизијата ги има подобрено нивните животни вештини – без разлика дали тоа е да научат нов јазик, да пробаат нов спорт или да волонтираат. Во меѓувреме, една четвртина од испитаниците сакаат да патуваат на нови места кои претходно ги гледале на телевизија и 38% велат дека тие биле охрабрени да пробаат нови рецепти од нови култури. Ова зголемување на 41% помеѓу корисниците на паметни телевизори посочува дека интернет активните телевизори навистина го подобруваат гледачкото искуство.
Додека телевизијата ги охрабрува гледачите да ги поместат своите граници и да пробаат нови работи, таа исто така останува со значајно влијание кога е во прашање опуштањето. Една четвртина од корисниците веруваат дека гледањето телевизија придонесува до генералното ментално здравје додека една третина велат дека тоа е главниот начин на којшто тие се опуштаат.
Истражувањето исто така покажува дека телевизијата е сѐ уште својствено општествено искуство со тоа што половина од корисниците издвојуваат време за заедничко гледање на телевизија како квалитетно време со семејството. Фактички, повеќе од една третина (34%) од Европејците се чувствуваат дека телевизијата ги има создадено едни од најмоќните заеднички сеќавања, поточно клучни спортски моменти или моменти од вести, додатно зголемувајќи ја телевизијата како платформа за споделување на позитивни искуства.
