Најмалку 31 верник загинал при прославата на голем шиитски верски празник во ирачкиот град Карбала, каде се одбележува светиот ден Ашура, соопшти ирачкото Министерство за здравство
Портпаролот на министерството Саиф ал Бадар изјави дека нивната бројка може уште повеќе да се зголеми, откако други 100 лица се повредени, од кои 10 се наоѓаат во критична состојба, информираа западните агенции.
Светилиштето се наоѓа на околу 100 километри јужно од Багдад.
Стотици илјади шиитски верници секоја година ја посетуваат Карбала за да ја одбележат смртта на имамот Хусеин, внукот на пророкот Мохамед.
Ашура е еден од најсветите религиозни денови за муслиманите-шиити, денот кога бил убиен имамот Хусеин, од ривалска муслиманска фракција во Ирак, во 680 година пред новата ера.
