Двајца британски падобранци за малку ќе се судреле со американски борбени авиони Ф15 кои летале со брзина од 560 километри на час, покажува воениот извештај.
Додека понирале со брзина од 190 километри на час, падобранците снимилеа два борбени авиони Ф-15 со камерите на нивните шлемови, пренесува „Би-би-си“.
Воздушната контрола требала да им каже на пилотите дека падобранците се наоѓаат во воздухот, пишува во соопштението на воениот одбор.
Во американска база се разговарало со пилотите за да бидат свесни за опасноста, се додава.
Одборот не бил во можност да утврди колку точно недостасувало за да се случи несреќа над аеродромот Чатерис на 17 април.
Инцидентот бил класифициран во втората најопасна категорија.
„Падобранците немаа контрола над брзината и насоката, но можеа да ги отворат падобранците и да го забават падот“, се вели во извештајот.
