Иранската новинска агенција ИСНА објави дека Иранската револуционерна гарда (ИРГЦ) запленила брод кој, наводно, шверцувал 250.000 литри дизел гориво во ОАЕ.
„Бродот е запленет во близина на островот Голем Тунб во Иран, во Персискиот Залив. Екипажот е предаден на властите во јужната провинција Ормозган“, информира ИСНА, без да ја посочи националноста на екипажот.
Извештајот доаѓа во услови на тешка состојба во Заливот бидејќи САД ги повикуваат своите сојузници да почнат со патролирање во областа за да ја зголемат безбедноста на нивните пловни објекти поради иранската закана.
На почетокот на септември, ИСНА извести дека иранската крајбрежна стража запленила брод со речиси 284.000 литри шверцуван дизел во Персискиот Залив и ги притвори 12-те членови на филипинскиот екипаж.
