Последниот претседател на Сојузна Република Југославија Војислав Коштуница имал предлог статусот на Косово да се реши по примерот на Хонг Конг со Кина.
Тоа би значело еден вид на контролирана независност, односно де факто би фунционирало како суверена држава но без целосна независност која би била под контрола на Белград.
Тој кажа дека предлогот би се засновал на моделот на Хонг Конг.
За него тврди дека би бил компромис кој би ги исклучил сите екстремни опции и дека бил успешен, одржлив и функционален.
„Надгледуваната автономија, за разлика од надгледуваната независност, е согласна на Повелбата на ОН и уставот на Србија. Со тоа ќе им беше овозможено на Албанците на Косово и Метохија сами да управуваат со својата иднина и да ги остваруваат своите интереси, а од друга страна Србија, согласно Повелбата на Обединетите нации, ќе ги задржеше суверенитетот и интегритетот“, кажа Коштуница.
Коштуница, кој по оставката на државните и партиските функции се повлече од партискиот живот, во првото јавување во јавност по повеќе години оцени дека „предлогот за суштинска автономија во иста мера е жив и обезбедувал стабилно и одржливо решение за статусот на српската покраина“.
Тој, меѓутоа не одговори конкретно на новинарското прашање дали неговиот предлог и денес би бил одржливо решение за Косово.
