Американскиот претседател Доналд Трамп ненадејно и накусо се појави на Самитот на Обединетите нации за климатски промени . Трамп го зазеде своето место и слушаше дел од говорите за климатската криза и потенцијалните политички решенија.
Претходно, беше најавено дека Трамп нема да присуствува на Самитот за климата и не беше на списокот на спикери затоа што тој присуствува на настан за верски слободи, со серија билатерални средби со светските лидери. Американската администрација претходно соопшти дека митингот за верска слобода е „клучен настан“ за нив.
Сепак, Трамп кратко присуствуваше на самитот и слушаше два кратки говори, а потоа замина кога поранешниот градоначалник на Њујорк, Мајкл Блумберг, дојде до микрофонот и рече: „Благодарам што дојдовте, претседателот Трамп. Се надевам дека нашите дискусии ќе бидат корисно во формулирањето на климатската политика “.
Заедно со Трамп, кој изрази сомнеж за климатските промени, на самитот пристигна и потпретседателот Мајк Пенс.
Трамп дојде на време да ја слушне германската канцеларка Ангела Меркел, но ги промаши говорите на шведската активистка за клима, тинејџерката Грета Тунберг и на генералниот секретар на ООН, Антонио Гутереш.
