Во рамки на проектот ,,Младите и природата-партнери за иднината”, здружението „,Амброзија” од Пехчево го распиша конкурост за избор на најдобра еко-порака. Конкурсот, како што информираше Јасминка Андонова – Пашалиска од здружението „Амброзија”, ќе трае до 14 октомври оваа година.
-Годинешната тема на отворениот конкурс е „Напиши порака до природата” и истиот е наменет за најмладите, кои најдоцна до 4 октомври 2019 година, ќе можат да се пријават со оригинални еко-пораки. Еко-пораките, треба да содржат еко-мотиви во вид на цртеж, како и стилизирани слогани, по избор на испраќачот, соопшти Андонова Пашалиска.
Изборот на најдобра ЕКО порака, како што додаде, ќе го изврши посебна Комисија формирана од Здружението „Амброзија” – Пехчево”, во рамки на проектот „Младите и природата-партнери за иднината.
-Ги охрабруваме сите ученици од 6-то до 9-то одделение, своите еко пораки со опис за еко порака со име и презиме на кандидатот, да ги испратат на нашата електронска пошта или на нашата фан страна, дополни Андонова-Пашалиска.
Трите најдобри пораки, како што додадоа организаторите, ќе бидат објавени на Еко Хепенингот, кој ќе се одржи во текот на ноември 2019 година.
