Имињата на Лионел Меси и Кристијано Роналдо со големи букви ќе бидат запишани во историјата на фудбалот како едни од најголемите кои ја играле оваа игра.
Тие долги години се ривали, се натпреваруваат постојано како за тимските така и за индивидуалните награди со тоа што последната битка ја доби Аргентинецот кој ја понесе наградата за најдобар фудбалер на годината во изборот на ФИФА. Меѓутоа Меси и Роналдо и покрај тоа што се противници на теренот, тие двајца добро се согласуваат надвор од него, па запрашан за тоа зошто луѓето се изненадени, капитенот на Барселона за ФИФА истакна:
-Поради големото ривалство што се разви меѓу нас во последните неколку години, затоа што едниот од нас играше за Барселона, а другиот за Реал и затоа што освоивме поединечни награди. Луѓето можеби мислат дека ривалството го надминува фудбалот, но не е така. И двајцата сакаме што е најдобро за нашите тимови, а ниту еден од нас не сака да губи. Тоа е нешто што не го прифаќаме. Затоа постои таа компетитивност меѓу нас. Важно е што останува таму, на теренот, -вели Меси.
