Државниот секретар на Соединетите држави Мајк Помпео денеска ќе престојува во официјална посета на Црна Гора каде ќе разговара со највисоки државни функционери.
Според Владата, Помпео ќе има средба со црногорскиот претседател Мило Ѓукановиќ и со премиерот Душко Марковиќ, а на аеродромот Подгорица ќе биде пречекан од министерот за надворешни работи Срѓан Дармановиќ.
Марковиќ и Помпео ќе дадат јавни изјави по средбата.
„Официјалната посета на државниот секретар, по посетата на американскиот потпретседател Мајк Пенс на нашата земја во август 2017 година, е уште една потврда за одличните билатерални односи меѓу Црна Гора и САД и црногорско-американското сојузништво“, се вели во соопштението.
