Рускиот претседател Владимир Путин го прославил својот 67. роденден во дивината во Сибир, собирајќи печурки и уживајќи во планините.
Путин, кој е познат како голем авантурист, заминал на одмор во Сибир во друштво на министерот за одбрана Сергеј Шогу.
На објавената снимка е прикажан Шојгу, кој додека шетал во шумата ископал корен од јагода. Путин се пошегувал дека министерот ќе ја засади јагодата во градината на неговиот летниковец, но Шојгу одговорил дека на растенијата им треба друга клима.
Еден учесник на прошетката прашал дали воздухот во Москва може да биде чист како во тајгата.
„Тоа прашање не е за мене, туку за претседателот“, рекол Шојгу.
„Треба да се стремиме кон тоа, како и да е“, одговорил Путин.
