Двајца кубански државјани и четворица Албанци биле приведени во обид нелегално да ја преминат македонско-грчката граница, информираше МВР.
-На 15.10.2019 во 14.30 часот во Полициска станица Меџитлија од слобода биле лишени П.Б.И.Е.(46) и К.Ф.Л.(29), двајцата од Куба, кои во атар на село Драгош, битолско, се обиделе илегално да ја преминат државната граница помеѓу Р.С.Македонија и Р.Грција. Тие биле предадени на полициски службеници од СВР Битола за понатамошна постапка, велат од МВР.
Според полицијата, пет часа подоцна во истата полициска станица биле приведени Г.Б.(23), С.Б.(33), Ф.Х.(18) и А.М.(32), сите од Албанија, кои во атар на село Живојно, се обиделе илегално да ја преминат државната граница. Тие биле предадени на полициски службеници од СВР Битола за понатамошна постапка.
