Водечкиот австралиски авиопревозник „Квантас“ успешно го заврши најдолгиот непрекинат лет на патнички авион во светот од Њујорк до Сиднеј превезувајќи 50 патници и членови на екипажот.
Авионот Квантас QF 7879, полета од аеродромот во Њујорк „Џон Ф. Кенеди“ во петокот ноќта и слета утрово на сиднејскиот аеродром „Кингсфорд Смит“ по 19 часа лет. Тоа беше прв нон-стоп лет од Њујорк до Сиднеј и прв тест како толку долги летови влијаат на човечкото тело.
Тест возењето на релација од 16.200 километри траело 19 часа и 16 минути.
Претходно „Сингапур ерлајнс“ имаше најдолг комерцијален лет во светот од Сингапур до Њујорк, кој траеше 18,5 часа.
Квантас го пренамени новиот Боинг 787-9 „Дримлајнер“ за долг лет со максимално гориво и помал број патници и багаж без карго, за да овозможи авионот да лета без прекин.
