ВМРО-ДПМНЕ: Граѓаните во ВМРО-ДПМНЕ гледаат единствена шанса за обнова на Македонија
Македонија со криминалец како Зоран Заев немаше иднина. Најмалку во ЕУ. Затоа Зоран Заев мораше да си поднесе оставка. Доколку порано признаеше дека е неспособен и си дадеше оставка, тогаш штетите по Македонија ќе беа помали. Вака сметката за неговата коруптивна и антидржавна политика ја плаќаат сите.
Одброени се деновите на Зоран Заев на Илинденска б.б. Се гледа крајот на криминалната банда на чело со алболицираниот Заев. Завршува времето на криминалните тендери и грантови, на рекетот, политичкиот прогон, неправдата, неказнивоста на криминалот и погубните економски политики. Доаѓа време кога политичарите нема да бидат синоним за лажни ветувањата и неостварени очекувања. Време е за честити и чесни политичари чиј збор нешто значи.
Граѓаните во ВМРО-ДПМНЕ гледаат единствена шанса за обнова на Македонија. Граѓаните повеќе не му веруваат на Заев, не му веруваат на СДСМ и нивните лаги и манипулации, политиката „купи ден, помини“ веќе не минува кај македонскиот народ. Недобивањето на датум за преговори со Европската Унија е пораз за погубните политики на СДСМ, во Европа не се оди со рекет, криминал и корупција, не се оди се нула раст на економијата и укинување на правната држава. Граѓаните на Република Македонијазаслужија да добијат датум за преговори и европска перспектива, но благодарени на Зоран Заев им беше сервиран уште еден пораз.
Штетните договори, поразите, политиката на свиткана кичма не ја отвораат европската перспектива за нашата држава. ВМРО-ДПМНЕ предупредуваше дека со промена на името и откажување од се што е македонско, нема да се доближиме до Европа додека Зоран Заев ги лажеше македонските граѓани дека ова е вистнискиот, „правиот пат“.
Време е за реформи, вистниски реформи, политичари кои ќе ги засукаат ракавите и ќе ја изградат иднината на нашата држава со проекти и политики во интерес на граѓаните, а не мал број на слуги на Зоран Заев. Дојде време за обнова на Македонија.
