Новиот датум за натпреварот од 10. коло од шампионатот на Шпанија помеѓу Барселона и Реал Мадрид сè уште не е утврден, пренесуваат шпанските медиуми. Средбата требаше да се одржи на 26 октомври, но поради протестите во Каталонија, беше одложена на неодредено време.
Според „Марка”, комитет на Шпанската фудбалска федерација сè уште не е во можност да одреди нов датум. Федерацијата побара од клубовите да постигнат договор за ова прашање, но досега не успеаја.
„Ла Лига” смета дека 4 декември е најпосакуваниот датум за „Ел Класико”. Претходно беше објавено дека дуелот може да се случи на 18 декември, но натпреварите од Купот на Шпанија ќе се играат во истиот ден. Во исто време, Барса и Реал Мадрид се согласија да играат на 18 декември, но тоа не и одговара на Лигата.
