Возач на мопед бил тешко повреден во една од вкупно 21 сообраќајна незгода што се случиле во текот на изминатиот ден. Во девет сообраќајки со полесни повреди се здобиле 12 лица, а во 11 била причинета материјална штета.
Од СВР Скопје информираат дека вчера сообраќајната полиција санкционирала 32 возачи кои се движеле со брзина поголема од дозволената, а од сообраќај исклучила двајца возачи кои го управувале возилото под дејство на алкохол, 12 возачи пред да се стекнат со право на управување моторно возило, како и 16 нерегистрирани возила.
Санкционирани биле и тројца возачи кои поминале на крстосница на црвено светло, пет возачи не дале првенство на минување на пешаците на обележан пешачки премин, шест возачи за неправилно престројување, четири лица за не носење заштитен шлем, 14 возачи за не носење сигурносен појас, како и 29 возачи кои користеле мобилен телефон за време на управување на моторно возило.
Вчера санкционирани биле и пет пешаци кои поминале коловоз вон пешачки.
Затекнати биле 59 возило непрописно паркирани, а со помош на специјалното возило „пајак”, отстранети биле 69 возила.
