Непосредно по полноќ, денеска сообраќајна незгода се случила во Кисела Вода на крстосница меѓу улиците „Народни херои” и „Ѓорѓи Димитров”, во која има едно лице кое се здобило со тешки повреди, а шетмина поминале со телесни повреди.
Сообраќајна незгода се случила помеѓу патничко моторно возило „фолксваген голф”, со велешки регистарски ознаки, управувано М.К.(21) од Велес и патничко моторно возило „опел астра”, со скопски регистарски ознаки, управувано од Љ.Ј.(33) од Скопје. Во несреќата со тешки телесни повреди се здобил Н.И.(21) од Крива Паланка, сопатник во возилото „фолксваген голф”, додека М.К. и другиот негов сопатник А.Ф.(20) од Пробиштип се здобиле со телесни повреди и биле пренесени во Комплекс клиники „Мајка Тереза” Скопје. Со телесни повреди се здобиле и Љ.Ј. и неговите сопатници Д.П.(30) од Скопје и Н.Н.(25) од Прилеп и биле пренесени во Градската болница „Св.Наум Охридски”. Извршен е увид од страна на увидна екипа од Скопје.
