Полицискиот инпекторат на Косово (ПИК) и истражители од истражното одделение, во соработка со косовската полиција уапсија тројца полицајци во Северна Митровица, кои се товарат за „организиран криминал” и „злоупотреба на службената положба”.
Апсењето претставува продолжение на операцијата изведена во мај годинава, наречена „Криумчарење”. Со денешните три апсења, вкупниот број на приведени полицијаци во „Криумчарење” се искачи на 25.
Во акцијата која косовската полиција ја спроведе на 28 мај уапсени се 19 припадници на косовската полиција, и тоа 11 Срби, четворица Албанци и четворица Бошњаци, меѓу кои еден командир, тројца поручници и 15 полициски службеници. Акцијата потоа продолжи и во следните денови, кога беа приведени уште тројца полицајци.
