Градот Горакпур во индиската држава Утар Прадеш е во шок откако еден началник во локалната полиција си го застрелал сопствениот син во расправија во полициска станица, пренесува РТ.
Не е јасно што ја предизвикало жестоката расправија помеѓу таткото и синот што довело до смртта на младиот човек. Началникот бил уапсен, а неговото оружје запленето во очекување на кривична истрага.
„Тој имаше расправија со својот син за време на која беше пукано. Синот починал на самото место“, рече заменик-началникот на полицијата во Горакпур, Сумит Шукла.
