Повеќе од илјада пожарникари се борат со големи пожари во Калифорнија. И покрај натчовечките напори на пожарникарите, тие досега не успеаја да го совладаат пожарот што се шири сè поблиску до населените места. Локалните власти наредија евакуација на повеќе од 10.000 жители, вклучувајќи ги славниот актер и поранешен гувернер на Калифорнија, Арнолд Шварценегер (72) и најдобриот кошаркар на денешницата, Леброн Џејмс (34). Тие ги напуштија своите домови, и можно е пожарот да ги проголта нивните вили. Според американските медиуми, во пожарот веќе исчезнале пет луксузни домови.
„Бевме евакуирани во 3:30 часот утрово. Ако сте во зона на евакуација, не се шегувајте. Веднаш да заминете. Ситуацијата на теренот е многу сериозна. Морам да им се заблагодарам на најдобрите пожарникари во светот кои се вистински херои“, напиша Арнолд.
We evacuated safely at 3:30 this morning. If you are in an evacuation zone, don’t screw around. Get out. Right now I am grateful for the best firefighters in the world, the true action heroes who charge into the danger to protect their fellow Californians. #GettyFire
— Arnold (@Schwarzenegger) October 28, 2019
Леброн Џејмс на „Твитер“ кажа дека имал луда ноќ зад себе, но нашол сместување.
Man these LA 🔥 aren’t no joke. Had to emergency evacuate my house and I’ve been driving around with my family trying to get rooms. No luck so far! 🤦🏾♂️
— LeBron James (@KingJames) October 28, 2019
Гувернерот на Калифорнија во неделата прогласи вонредна состојба затоа што силниот ветер го шири огнот и десетици илјади луѓе мораше да бидат евакуирани низ целата земја.
