Предводени од Каваи Ленард, кошаркарите на Лос Анџелес клиперс го совладаа Шарлот хорнетс во еден од 11-те натпревари од НБА лигата одиграни ноќта меѓу понеделник и вторник.
Ленард уште еднаш покажа дека е огромно засилување за Клиперси оваа сезона. Тој мечот го заврши со 30 поени, седум скокови и шест асистенции.
Вечерта ја одбележа Расел Вестбрук кој со Хјустон беше блиску до трипл-дабл во победата на Рокетси од 116-112 против поранешниот негов клуб Оклахома. Вестбрук мечот го заврши со 21 поен, 12 скокови и девет асистенции, а Џејмс Харден 40 поени.
Кошаркарите на Денвер славеа против Сакраменто Кингс со 101-94 во српската пресметка меѓу Богдан Богдановиќ и Немања Бјелица од една страна и Никола Јокиќ на спротивната. На крајот се радуваше центарот на Денвер. Најефикасен во победничкиот тим беше Џамал Мареј со 18 поени, а кај Сакраменто Фокс запиша 20 поени.
Во уште еден интересен меч Голден стејт ја оствари првата победа сезонава по два убедливи порази. Вориорси со 134-123 славеа против Њу Орлеанс, а до триумфот ги водеше Кари со 26 поени и 11 скока, а Д’Анџело Расел постигна 24 поени.
Резултати:
Детроит – Индијана 96:94
Њујорк – Чикаго 105:98
Атланта – Филаделфија 103:105
Торонто – Орландо 104:95
Хјустон – Оклахома 116:112
Милвоки – Кливленд 129:112
Њу Орлеанс – Голден Стејт 123:134
Сан Атонио – Портланд 113:110
Феникс – Јута 95:96
Сакраменто – Денвер 94:101
ЛА клиперс – Шарлот 111:96.
По почетните кола без пораз, со по три победи досега се Минесота, Денвер, Сан Антонио и Филаделфија.
