Косово ќе стане третата земја од регионот што ќе потпише ваков аранжман со Европската Комисија.
Спогодбата, која е дел од заедничкиот акциски план против тероризмот со Западниот Балкан, ќе биде потпишана денес од страна на еврокомесарот за миграција, Димитрис Аврамопулос, и косовскиот министер за внатрешни работи, Екрем Мустафа.
Со овој аранжман се идентификуваат главните области на кои косовските власти ќе треба да работат во текот на оваа и идната година за поефикасно спречување на терористичките активности. Косово, како и другите земји потписнички од регионот, треба да редовно да ја известуваат Комисијата за напредокот во имплементацијата на акцискиот план.
Акцискиот план за Западниот Балкан беше потпишан во октомври 2018 и обезбедува рамка за борба против тероризмот и спречување на насилниот екстремизам.
