Тренерот на италјанскиот фудбалски калчолигаш Интер, Антонио Конте, по победата над Бреша (2:1) во 10. коло првенството во Серија А, побара да биде засилен нападот во зимскиот преоден рок.
– Интер треба да се обиде да го подобри составот во зимскиот преоден рок за да имам поголем избор на играчи. Ако сакаме да направи нешто навистина големо, тогаш не треба да бидеме „задоени” со победите и да мислиме дека сè е лесно за тимот. Ромелу и Лаутаро играат скоро на секој натпревар. Да, тие се добри, но постои опасност некој да се повреди со таков распоред. Овие мисли ме прогонуваат, изјави Конте.
Интер е на врвот на табелата во Серија А, но моторот е веќе на граница, не може да работи толку долго. Овој натпревар беше четврти во последните девет дена. Истите играчи влегуваат на теренот. Претстои натпреварот на Интер со Болоња, а потоа и со Борусија. Имаме седум натпревари за 20 дена. Ова не е нормално. Секако, би сакал да имам повеќе време да се подготвам за натпреварите, додаде Конте.
Интер со 25 бода го зазема првото место во италијанскиот шампионат по 10 одиграни натпревари. Јувентус е втор со два бода заостанување, но и натпревар помалку.
