– Хрватскиот премиер Андреј Пленковиќ го повтори оптимизмот дека граничниот спор со Словенија нема да го блокира влезот на Хрватска во Шенген-зоната, истакнувајќи дека ниту Хрватска ниту Словенија не би биле членки на ЕУ доколку проблемот е релевантен во тој контекст.
– Како прво, граничниот спор меѓу Хрватска и Словенија е отворено прашање што е на дневен ред во последните 30 години. Ако тоа беше услов за која било од двете држави за членство во ЕУ или Шенген, тогаш ниту Словенија не би била нејзина членка, ниту еден од двата внатрешни круга, рече Пленковиќ.
Тој додаде дека ставот на Загреб е дека билатералниот спор за границата мора да биде целосно одвоен прашањето за Шенгенот.
– За нас тоа е Савудриска Вала, за нив тоа е Пиранскиот Залив. На крајот на денот, ќе најдеме решение, рече Пленковиќ.
Тој истакна дека може да се најде решение прифатливо за двете страни, без оглед на прашањето за Шенгенот.
Словенечките политичари во изминатиот период неколку пати, повеќе или помалку директно, најавуваа дека Словенија ќе стави вето на хрватското членство.
