Деведесет и двегодишна Гркинка за првпат се сретна со двајца Евреи, брат и сестра, кои ги спасила и сокрила од Нацистите, за време на Втората светска војна.
Како тинејџер, Мелпомени Дина криела шест члена на семејството Мордечаи пред да им помогне да избегаат.
Емотивна повторна средба се случи во меморијалниот музеј на холокаустот во Ерусалим, по повеќе од седум децении.
Ваквите настани порано биле многу чести во музејот, но веројатно ќе бидат и последни од ваков вид.
Преживеаните брат и сестра, Сара Јанаи и Јоси Мор ги донесоа своите 20 деца и внуци на настанот.
„Нема зборови за да се опише ова чувство“, рече Јанаи пред новинарите. „Многу е емотивно што сме повторно заедно“ додаде таа.
„Бевме скриени во нејзината куќа. Таа го спаси целото мое семејство. Шест лица … не можете да замислите колку било опасно за неа, за нејзиното семејство, да нè чува сите нас … Тие ни ги спасија животите”.
Нацистичка Германија ја окупира Грција во 1941-1944 година и поголемиот дел од грчкото еврејско население. Дури 80.000 Евреи умре како резултат на нацистичкото прогонство. Многумина беа убиени во логорот на смртта во Аушвиц-Биркенау.
За време на германската окупација, Дина и нејзините две сестри ги криеле членовите на Мордечаи во напуштена џамија, пред да ги преселат во нивниот мал дом кога работите станале премногу опасни. Сестрите однеле едно од децата, шестгодишниот Шмуел, во болница кога се разболел и покрај ризикот од откривање. Тој починал неколку дена подоцна.
Локацијата на семејството станала компромитирана, а сестрите им помогнале да избегаат во различни насоки за да избегнат откривање. Тие преживеаја, повторно се обединија по војната и заминаа за Израел. Во 1994 година, Дина беше почестена од музејот како праведна меѓу народите, титула која им се доделува на оние кои помогнаа да се спасат Евреите за време на холокаустот.
