Русија ја разбира загриженоста на Иран заради санкциите, но смета дека е загрижувачка и намерата на Техеран да ги намали своите обврски во врска со нуклеарниот договор, изјави денеска портпаролот на рускиот претседател Дмитриј Песков.
-Свесни сме за загрижноста на Иран заради заднината на акциите на одделни земји и невидливите и незаконските санкции што се применуваат врз оваа земја, но истовремено со загриженост следиме како се развива ситуацијата, бидејќи распадот на сеопфатниот план не носи ништо добро, рече Песков, пренесува Тасс.
Претседателот на Иран Хасан Рохани претходно денеска изјави дека Техеран ќе почне да вбризгува ураниумски гас во 1,044 центрифуги, што е нов чекор подалеку од нуклеарниот договор меѓу Иран и светските сили.
Во обраќањето до нацијата, што беше пренесувано на државната телевизија, Рохани кажа дека машините во нукеларната постројка Фордо од утре ќе почнат да го вбризгуваат ураниумскиот гас.
