Спасени се 38 рудари кои беа заробени по експлозија во рудник за калиум во источна Германија, јавија тамошните медиуми.
Двајца рудари се повредени, а сите се извлечени од длабочина од околу 700 метри.
По експлозијата, тие се наоѓале во безбеден сектор на рудникот во Тојтшентал, кој се наоѓа на околу 150 километри југозападно од Берлин, пренесува агенцијата „Ројтерс“.
Администрацијата за рударство соопшти дека еден од повредените е во тешка состојба, а другиот е само полесно повреден.
За рудникот се вели дека веќе не е активен, но се користи за депонирање на минерален отпад.
