Авганистан ќе ослободи тројца талибански команданти, вклучувајќи го и лидерот на групата Хакани, во замена за еден австралиски и американски професор, кои беа грабнати пред три години, изјави денеска авганистанскиот претседател Ашраф Гани.
-За да се отвори пат за директни преговори со талибанците, владата одлучи да ги ослободи талибанските затвореници во замена за двајца универзитетски професора, рече Гани на телевизијата.
Талибанската мрежа Хакани во изминатите години изведуваше големи воени напади врз цивили, а се верува дека е лоцирана во Пакистан и е дел од талибанците во Авганистан, пренесуваат британските медиуми.
Талибанците во 2016 година ги грабнаа двајцата професори од Американскиот универзитет во Кабул.
