Катица Јанева пред да биде разрешена испратила барање за буџет за Специјалното јавно обвнителство, изјави министерката за правда Рената Дескоска, запрашана зошто се предвидени 3,7 милиони евра за СЈО во Буџетот за 2020 година, иако институцијата повеќе не постои.
„Имаме ситуација во која Катица Јанева пред да биде разрешена испратила буџетски циркулар и барање за буџет за Специјалното јавно обвнителство. Согласно законот, Министерството за финансии е должно да го почитува барањето. Ќе видиме како ќе помине тоа во Собранието“, рече Дескоска.
Министерката додаде дека во секој случај, се работи за средства што потоа генерално ќе бидат распределени во Јавното обвинителство.
