Индонезиската полиција соопшти дека уапсила 43 лица осомничени за тероризам, за кои се верува дека имаат врска со минатонеделниот самоубиствен напад врз полициската станица во Медан.
Портпаролот на Националната полиција, Деди Прасецио, изјави дека уапсените се осомничени дека се припадници на локален огранок на Исламската држава.
Според него, апсењата биле извршени во седум провинции, а меѓу уапсените е и водачот на групата.
Тој рече дека се верува дека тие имаат врска со самоубиствениот бомбашки напад на 13 ноември во Медан во кој беа повредени шест лица, пренесува АП.
Во саботата полицијата уби двајца милитанти во Северна Суматра за кои се верува дека биле бомбаши во нападот на Медан.
