Не знаеме дали биле инспирирани од една од најдобрите серии досега снимени, но нивниот случај сигурно личи на сценариото од Breaking Bad. Професори по хемија од американската држава Арканзас се уапсени и обвинети за производство на метамфетамин, соопшти полицијата во округот Кларк. И не, никој од нив не го носи името Валтер Вајт.
Тери Дејвид Батман (45) и Бредли Ален Роуланд (40) предаваат хемија на универзитетот Хендерсон во Арканзас и беа уапсени во петокот попладне со обвиненија за производство на метамфетамин.
Уште на 8 октомври, некој пријавил дека имало „хемиски мирис“ околу просториите на научниот кабинет и тој е затворен, рече Тина Хол, потпретседател на маркетинг и комуникации, во официјалното соопштение.
Зградата повторно е отворена на 29 октомври откако беше извршена темелна инспекција и санација од специјалистичката служба што вклучува замена на филтерот за воздух и привремено отстранување на дел од прозорците за подобрување на вентилацијата.
Хол не образложи за тоа што е пронајдено по пријавувањето на „хемискиот мирис“, а не потврди ниту дали професорите за производство на лекови се осомничени во просториите на колеџот, пренесува Си-Ен-Ен.
Students at the school couldn’t help but draw similarities to the TV show “Breaking Bad,” about the high school chemistry teacher who used his chemistry knowledge to build a meth empire. https://t.co/oE5zImfnkZ
— 8News WRIC Richmond (@8NEWS) November 18, 2019
Истрагата е сè уште во тек и неодоливо потсетува на акцијата на популарната серија што се емитуваше од 2008-2013 година. Во него, главниот лик Волтер Вајт учи хемија во средно училиште, а откако ја прими веста дека боледува од карцином на белите дробови и веројатно нема да преживее, соочен со медицински трошоци и идејата за финансиска грижа за своето семејство, тој започнува да произведува кристал мета.