Претставници на талибанците изјавија за американски медиуми дека тројца талибанци затвореници ослободени од Кабул се на пат за Катар, каде ќе бидат разменети за американски и австралиски заложник кои ги држат бунтовниците.
Засега е непознато каде се наоѓаат двајцата заложници, Американецот Кевин Кинг и Австралиецот Тимоти Викс.
Тројца талибански затвореници, меѓу кои и Анас Хакани, помладиот брат на Сираџудин Хакани, кој ја предводи злогласната мрежа Хакани, требаше да бидат ослободени пред повеќе од една недела по наредба на авганистанскиот претседател Ашраф Гани.
