Израелскиот премиер Бенјамин Нетанјаху вечерва го отфрли обвинението за корупција и го опиша како „обид за преврат” против него. Нетанјаху во јавно обраќање рече дека ќе продолжи да го води Израел. Тој додаде дека обвинението потекнува од „лажни обвиненија” и систематски „опструирана истрага”.
Израелски обвинител денеска официјално поднесе обвинение за корупција против премиерот Нетанјаху. Обвинението вклучува мито, кршење на довербата и измама.
Нетанјаху претходно негираше дека сторил казнено дело во три случаи на корупција, наведувајќи дека е жртва на политички „лов на вештерки”. Тој нема законска обврска да поднесе оставка после обвинението.
Доколку биде осуден за примање мито му се заканува десетгодишна казна затвор и максимум три години затвор за измама и кршење на довербата.
