Ниту едно бледо соопштение од скапцениот дворец нема да го покрие дебаклот на лажниот патриотизам на Христијан Мицкоски на самитот на ЕПП во Загреб, се вели во соопштението за јавност на СДСМ како реакција на она што го пласираше опозициската ВМРО ДПМНЕ.
-Наместо да се крие зад партиски соопштенија Мицкоски нека излезе и нека каже кого лажеше, домашната јавност дека Договорот со Бугарија е капитулантски или бугарскиот премиер Борисов на кого му порача дека го поддржува Договорот?
Дотогаш остануваат најмалку 5 факти од Самитот на ЕПП во Загреб:
1) Додека дома Мицксоки вели дека не го признава уставното име на државата,нема проблем неговата ВМРО-ДПМНЕ во Европската народна партија да биде претставничка од Република Северна Македонија
2) Во Резолуција од загрепскиот самит на ЕПП, се констатира дека ЕУ со неносењето одлука за почеток на преговорите, направила историска, геостратешка грешка – што е уште еден врел шамар за Мицкоски.
3) Мицкоски го прифати Договорот со соседна Бугарија на средба со премиерот Борисов „без дилеми”.
4). Синoним за лажна вест и лажен патриот е самиот Христијан Мицкоски, чиракот на Никола Груевски од Будимпешта.
5) За дебакалот и поразот на неговиот лажен патриотизам Мицкоски вината да си ја побара кај себе.
