Роџер Федерер со години се изразува позитивно за еден од неговите големи ривали, Рафаел Надал. 38-годишниот Швајцарец во моментов е на латиноамериканска турнеја и играше синоќа во Буенос Аирес против Александар Зверев, откако овој пат загуби од Германецот со 6:7, 6:7о.
На аргентинско тло, Федерер изјави дека е малку поблизок со Рафаел Надал, отколку со Новак Ѓоковиќ, но ги опиша двајцата како „неверојатни играчи”.
– Можеби сум малку поблизок со Рафа, но сум играл повеќе со Новак. Конкуренцијата е фантастична и се надевам дека ќе има повеќе натпревари. Натпреварите на „Ролан Гарос” и „Вимблдон” со Рафа беа одлични, а јас имав прекрасен натпревар против Новак на „Вимблдон” и финалето на АТП во Лондон минатата недела, вели Роџер.
Тој е добро момче и одличен играч, рече Федерер, мислејќи на Надал.
– Кој помислил дека повторно ќе биде број 1 сега, 11 години откако прв пат го достигна врвот на АТП? Сите рекоа дека ќе биде повреден, дека нема да биде здрав од еден момент натаму, дека неговата игра е премногу брутална. Но, тој најде начин, и оваа година повторно имаше одлична сезона со 2 Гренд-слем титули. Тој сега има 19. Уживав да го споделам теренот со него двапати на Лејвер Купот, продолжи Швајцарецот.
Роџер признава дека научил многу од него.
– Тој е голем шампион. Тој е многу вреден за играта и јас сум среќен што ги имавме сите овие натпревари и битки, особено на „Вимблдон” и „Ролан Гарос”, како и во Австралија. Имавме неколку значајни натпревари и тој ќе остане во историјата како можеби најдобриот играч, заврши Федерер.
