Ракометарите на Вардар вечера се поразени на гостувањето кај Мешков Брест со 31:22. По овој пораз, „црвено-црните” паднаа на 6.место во Б-групата од Лигата на шампионите.
Белорускиот тим на актуелниот европски шампион му го нанесе четвртиот пораз оваа сезона во групната фаза и ги задржа теоретскит ешанси за пласман во елиминациската фаза.
А дека вардарци ќе загубат со огромни девет разлика не се насетуваше по првото полувреме кое македонскиот тим го доби со 13:12. Неизвесна борба се водеше се до резултат 23:22 за домаќините до последните десетина минути, а потоа целосен пад во играта на Вардар и серија од 8:0 за Мешков за конечен триумф.
По девет кола во групата води Кил со 14 бода, Веспрем има 12, Монпеље 11, Келце 10, Порто 10, Вардар 9, Мешков Брест 4, Моторо 2.
