Папата Франциско рече дека денес се моли за жртвите од земјотресот во Албанија.
Во неделното обраќање на плоштадот „Свети Петар“, папата Франциско рече дека Албанија е првата европска земја што сакал да ја посети и дека албанскиот народ е многу близок, јавуваат агенциите.
Албанија вчера беше погодена од низа земјотреси, од кои најсилниот беше земјотресот со јачина од 6,4 степени, а досега се регистрирани 29 жртви, а над 650 повредени.