Германската канцеларка Ангела Меркел испрати писмо до албанскиот премиер , Еди Рама, каде што пишува дека со голема вознемиреност ја примила веста за земјотресот во Албанија, посебно, бидејќи настрадаа многу лица.
-Почитуван премиере, со голема вознемиреност ја примив веста за земјотресот во Албанија, каде што животот го загубија многу луѓе и имаше многу повредени. Сакам да изразам мое жалење и да испратам сочуство до Вас. Нашите мисли се со жртвите и настраданите. Јас знам за болката што вие и вашето семејство ја чувствувате. Изразуваме длабоко жалење за вас и за луѓето во Албанија кои ги загубиле своите најблиски како последица на земјотресот. Се надеваме дека повредените што побрзо ќе оздрават. Германија и Европската Унија ќе ве поддржат во овие тешки моменти,се наведува во писмото на Меркел.
Во меѓувреме во објавата на Твитер, претседателката на Европската комисија, Урсула фон дер Лејен, наведува дека комуницирала со премиерот Еди Рама за ситуацијата создадена по трагичниот земјотрес што ја зафати земјата, додавајќи дека ЕУ е на страната на Албанците.
Лејен пишува дека комесарот за управување со кризи Јанез Ленарчич ќе допатува во Албанија в среда за да се информира за ситуацијата.
