Хуманитарен фестивал за деца со попреченост во развојот „Од децата за децата”

Во Кинотека на Македонија во Скопје, утре (12 часот) ќе се одржи 7. хуманитарен фестивал за деца со попреченост во развојот „Од децата за децата” организиран од „Македонски вознес” со Виолета Ачкоска и Виолета Сековска.
Ова е еден прекрасен хуманитарен фестивал чија влезница се плаќа со прибор за училиште. Истите ќе бидат за учениците од училиштата ПОУ „Д-р. Златан Сремец” – Скопје и ДУРДМОВ „Димитар Влахов”. Присутните ги очекува одлична атмосфера и многу другарување со децата од цела Македонија кои ќе бидат таму со своите родители и ментори.
Организаторите порачуваат до сите што ќе дојдат на фестивалот дека не само што ќе си поминат убаво, туку и ќе помогнат во нивната цел за инклузија на децата со попреченост во развојот во нивните општествени активности како стекнување пријателства со врсниците, активно вклучување во заедницата.