Харден со 55 поени го предводеше Хјустон до победа против Кливленд

Хјустон го совлада Кливленд (116:110) во кошаркарската НБА-лига, а најмногу заслуга за овој триумф има Џејмс Харден кој мечот го заврши со 55 поени.
На другите средби од НБА лигата впечатлив настап имаше Леброн Џејмс кој забележа нов трипл-дабл (25 поени, 11 скока и 10 асистенции) во триумфот на Лејкерс над Орландо. Клиперс го совлада Торонто благодарение на 23 поени на Каваи Ленард, додека Кемба Вокер ниту со 44 поени не го спаси Бостон од пораз на мечот со Индијана. Во дуелот на двете екипи со најслаб биланс досега, Њујорк беше поуспешен од Голден стејт по продолжение.
Постигнати резултати:
Кливленд – Хјустон 110:116
Индијана – Бостон 122:117
Орландо – ЛА лејкерс 87:96
Торонто – ЛА клиперс 92:112
Бруклин – Шарлот 108:113
Чикаго – Атланта 136:102
Минесота – Јута 116:127
Милвоки – Њу Орлеанс 127:112
Сакраменто – Оклахома 94:93
Голден стејт – Њујорк 122:124 (по продолжение).