Рускиот министер за надворешни работи, Сергеј Лавров, ги осуди обидите за повторување на обоените револуции во земјите од Латинска Америка бидејќи тоа може да ескалира со тензии во регионот, пренесува „Спутник“.
„Што се однесува до моменталната состојба во Латинска Америка и на Карибите, забележавме развој на сложени и понекогаш многу повеќенасочни и противречни политички и социоекономски процеси. Обидите што се преземаат во оваа област да се повторат сценаријата на озлогласените обоени револуции може да предизвикаат опасно зголемување на регионалните тензии и секако, ова не е во интерес на зајакнување на позицијата на Латинска Америка како еден од центрите на новиот мултиполарен свет “, рече Лавров по разговорите со министерот за надворешни работи на Никарагва, Дени Монкада.
Русија верува дека Никарагванците треба да одлучат за судбината на нивната земја и да се спротивстават на секој обид да им се наметнат некакви стратегии за надворешен развој.
„Русија цврсто верува дека никарагванскиот народ мора да одлучи за својата судбина и не прифаќаме обиди да се наметнат „рецепти“ за развој на Никарагва што таа не ги одбрала“, рече Лавров по разговорите со Монкада.
Терминот „обоена револуција“ е широко користен за да се опишат промени- поддржани од Западот- на режими што се случија во некои земји од поранешниот Советски Сојуз и на Балканот во текот на 2000-тите, вклучувајќи ја и украинската „портокалова револуција“, грузиската „розова револуција“, српската „булдожер-револуција“ и „револуцијата на лалињата“ во Киргистан.
