На 12.12.2019 во 06.10 часот на магистралниот пат Градско- Прилеп, на крстосницата на улицата Пролетерска и магистралниот пат во Росоман, се случила сообраќајна незгода помеѓу товарно возило „мерцедес“, со штипски регистарски ознаки, управувано од Д.З.(45) од Штип и патничко возило „фолксваген шаран“, со кавадаречки регистарски ознаки, управувано од Д.Ч.(49) од Кавадарци.
Во незгодата, со повреди се здобиле возачот на патничкото возило и сопатниците С.Ф.(52) од Неготино, С.П.(38) од Кавадарци, К.Ј.(46) од Неготино и С.П.(76) од Кавадарци и биле пренесени во болницата во Кавадарци.
Извршен бил увид на местото на настанот.
