Минатата година имавме извоз на новогодишни елки во вредност од илјада евра, а увоз за 215 илјади евра, соопшти Хрватската стопанска комора.
Повикувајќи се на податоци од Државниот завод за статистика, тие посочуваат дека извозот на свежи елки минатата година бил трипати зголемен во однос на 2017 година, но исто така додадоа дека станува збор за лажна статистика. Всушност тоа се многу ниски бројки, затоа што во 2017 година вредноста на извозот беше 306 евра (60 парчиња), а во 2018 година се зголеми на околу илјада евра (250 парчиња).
Од друга страна, увозот на новогодишни елки во Хрватска се зголеми за 5,3 проценти во изминатата година, но овде станува збор за посериозни износи. Во 2018 година се увезени околу 18.500 парчиња во вредност од над 215.000 евра, додека во 2017 година се увезени нешто над 16.100 дрвја во вредност од 203.000 евра.
