Пет лица се повредени денеска во експлозија на бензинска пумпа во Доњи Шепак кај Зворник, оддалечен 27 километри од Лозница. Бањалучкиот портал „Независне“ пренесува дека било пријавено во полиција дека имало експлозија на бензинска пумпа, а засега не е познат степенот на повредите на повредените лица.
Порталот „Српскаинфо“ известува дека експлозијата се случила кога автомобил удрил во пумпа и се претпоставува дека има загинати.
Се додава дека пумпата се наоѓа во близина на граничниот премин Шепак, помеѓу Србија и БиХ и дека на самото место на настанот се наоѓаат бројни екипи на полиција, амбулантни возила и пожарникари.
