Уште шест коњи се убиени со огнено оружје во близина на рудник во источниот дел на Кентаки, според американските власти.
Групата за спасување животни „Думас Рескју“ соопшти дека шесте коњи се чини биле убиени за време на истото пукање во кое загинале најмалку 15 други коњи во близина на линијата округот Флојд-Пајк, пренесува АП.
Телата на другите коњи биле пронајдени во почетокот на минатата недела. Не е јасно кога се пронајдени шесте нови тела, соопшти агенцијата.
Полицијата нуди награда од 20 000 американски долари за информации за пукањето. Властите соопштија дека некои од убиените коњи биле ждребиња, а некои кобили биле бремени.
Лицето одговорно за убиството на коњи може да се соочи со обвиненија за суровост кон животните.
