Агресијата од украинските сили во Донбас се засили откако Владимир Зеленски беше избран за претседател на Украина, изјави шефот на самопрогласената Народна Република Доњецк (ДПР) Денис Пушилин, на прес-конференција.
„Не сме наивни и добро разбравме какви се актуелните власти во Киев. Статистиката за бројот на гранатирања, уништување на инфраструктурата, повредите и жртвите меѓу цивилите ги надминува случаите од времето на Порошенко. Ситуацијата се влоши под Зеленски – има се повеќе гранатирања, повеќе жртви, повеќе инфраструктурни штети“, посочи Пушилин.
Тој додаде дека и покрај деструктивната политика на Киев, ДПР останува посветена на процесот на мирно решавање на разговорите во Минск и треба да ја искористи оваа меѓународна платформа во максимум.
„Треба да продолжиме да разговараме. Треба да продолжиме да разговараме дури и со непријателот, со противникот, за да постигнеме решавање на проблемите со кои се соочуваме“, рече Пушилин.
Тој особено ја истакна важноста на разговорите во Минск за завршување на размената на затвореници меѓу Киев и Донбас, што треба да се спроведе до крајот на 2019 година во согласност со декларацијата потпишана по самитот на Нормандиската четворка во Париз на 9 декември.
