Фотографии од шестгодишната горила Анака од зоолошката градина во Атланта предизвика големо внимание на социјалните мрежи, бидејќи поради депигментација на кожата на едната рака нејзините прсти неверојатно потсетуваат на човечки.
На една од фотографиите може да се види посветлиот дел на кожата на едната рака, многумина забележаа голема сличност со човечките прсти.
Како што се наведува, ова и не е толку чудно кога се знае дека еволутивно човекот потекнува од мајмун, но, секако дека е фасцинантно да се види.
Приматите, како и луѓето, имаат одделни палци, како и единствени отисоци на секој прст. Како и луѓето, приматите имаат нокти, а не канџи, кои ги користат за многу работи, од отворање и лупење до чистење и чешкање.
